Åhpadusgäjno låhkåmjage 2015/2016 

 

Sámij åhpadusguovdásj la unna hásskes skåvllå ållessjattugijda. Akta jali ålop jage ij Dunji vatte val viessomájge åvddånimev, ájnat aj ráddnavuodav ja ietjas åvddånimev. Mijá ájnnasamos gåhttjom la vijdábut doalvvot sáme máhttudagájt duojen, sámegielan, sámekultuvran ja äládusájn mijá oahppijda.

Dajna gå skåvllå l sáme guovdátjin Jåhkåmåhken la Dån vuogas sáme kultuvrra- ja giellabirrasin. Dánna li Dujna máhttelisvuoda oasslasstet sáme sebrudagájdaja álggoálmmukgávnadimijda rijkasattjat ja rijkajgasskasattjat.

 

Duodje

Jus la miella duodjuhit de vállji Duodjesuorgev 1-2 jage juogu de muorra/tjoarvve- jali sassne/tekstijllasuorgen.

 

Boatsojäládussuorgge

Jus ällobarggen sidá ietjat vidnudagájn barggat de máhttá Boatsojäládussuorgge dunji hehpat. Boatsojäládussuorgge la rievddadum vaj máhttá muhtem ábnnasijt sierra låhkåt låhkåmjage 2013/2014.

 

Giella

Dunji gut sidá sámegielav låhkåt. Mij fállap åhpadusáv oarjjel- julev- ja nuorttasábmáj juogu de álggo- jali joarkkakurssan jali sámegielagijda. Ienemus bargge li sámegielaga.

 

Biebbmo – Sáme biebbmokultuvrra (Ij låhkåmjage 2014/15)

Dån åhpa árbbedábálasj máhtov sáme biebmo birra, varás biebmos gárves bårrusij.

 

Sáme prográmma – gimnása åhpadus

Dunji gut vuodoskåvlås boadá. Åhpadus la kommuvna gimnásaskåvlån, Bokenskåvlån. Dån oattjo sämmi dåhkkimvuodav allaskåvllåj degu Sebrudaksuorgen. Oattjo aj sámegielav, duojev, kultuvrav ja boatsojäládussuorgev låhkåt.

 

Joarkkaåhpadus duojen

Skåvllå fállá aktan vuododusájn Hantverk & Utbildning Leksandan 80 vahko åhpadusáv. Rávkalvissan åhpadussaj la 2 jage duodjesuorgen jali dan lágásj åhpadus.

 

Sáme dålkkåmåhpadus

Skåvllå fállá aktan Härnösanda álmmukallaskåvlåjn jahkásasj dålkkåmåhpadusáv mälggatåhpadussan gudájn iejvvimijn.

 

Buorisboahtem mijá skåvllåj åhtsåt!

Maŋemus åtsådimbiejvve l moarmesmáno 15 biejvve. Barggo åtsålvisáj álggá biehtsemáno álgon. Máhttelis la áhtsåt maŋŋel åtsådimbiejve gå soajtti lijggesaje.

 

 

Giella

Giella

Duodje

Duodje

Boatsojäládus

Boatsojäládus

Projekt

Projekt