Joarkkaduodjeåhpadus

29 maj, 2014 / Uncategorized @ls

Joarkkaduodjeåhpadus

Sámij åhpadusguovdásj fállá aktan vuododusájn Hantverk & Utbildning Leksándan joarkkaduodjeåhpadusáv. Tjavtjas 2011 la åhpadus 100 vahko ja gåbttjå 500 Yh-tjuoggá. Åhpadus tjadáduvvá biejadusá sinna Yrkeshögskolan ”Smala yrken”. Åhpadus vatteduvvá stáhta doarjjaga biejadusá sinna ållessjattugij joarkkaåhpadussaj muhtem giehtabarggoviddnuj tjáledum guovvamáno 2008, ja 2011 rájes mierreduvvá åhpadus biejadusá sinna Yrkeshögskolan (SFS 2009:130). Åhpadus vaddá tjavtjas 2011 smidás viddnoallaskåvllåeksamenav. Oahppen la vahák- ja åvdåsvásstádusduodastus barggo-/åhpadusájgen. Oahppe ij mávse avtak skåvllågålov. Duossto vidnudahka/lájddistiddje oadtju 4000 kr/mánnuj mákson (värrovälggogisvuohta, ij momssavälggogisvuohta)

Rávkalvissan åhpadussaj la guovtejahkásasj duodjesuorgge Sámij åhpadusguovdátjin jali dan lágásj åhpadus. Maŋŋáj tjadádum joarkkaduodjeåhpadusá máhtá gesälla- ja tjähppudakduodastusáv åhtsåt! (Máhtá juo sämmi tjavtja gå joarkkaduodjeåhpadussaj álgá gesälla- ja tjähppudakduodastusáv åhtsåt.)

Joarkkaduodjeåhpadus la allaskåvllåmieren, danen máhtá oahppambiednigijt CSNas åhtsåt.

Sajijs ij la nåv galle. Vuododusán Hantverk & Utbildning li 50 saje.

Åtsålvisblankehtav ja ienep diedojt vuododusás Hantverk & Utbilding gávna dánna!

Jus li gatjálvisá de ságasta rektåvråjn Sámij åhpadusguondátjin:

Per Stefan Labba
rektor(a)samernas.se
0971-44002

Máhtá aj ságastit Vuododusájn:

Stiftelsen Hantverk & Utbildning

Box 47, 793 32 Leksand
Tfn: 0247-36950
E-påvsstå: info(a)hantverkslarling.se

Gesälla- ja tjähppudakduodastus duojen

29 maj, 2014 / Uncategorized @ls

Gesälla- ja tjähppudakduodastus (Gesäll- och mästarbrev) duojen

Dal gávnnu gesälla- ja tjähppudakduodastus duojen Svieriga bielen sámeednamis! Dav dåhkkidij Gesälla- ja tjähppudakdåjmadahka Leksándan sjnjuktjamáno 2010. Sosiálafånndå, Sámij åhpadusguovdásj ja Kunskapenshus Jåhkåmåhken biednigahtij åvddåprosjevtav gånnå barggojuogos njuolgadusájt biedjin. Barggojuohkusin lidjnin åvdåstiddje duodjeåhpadiddjijs Sámij åhpadusguovdátjin ja Sáme Duodje barggá administratijvak bargujn.

Rávkalvissan gesälla- ja tjähppudakduodastussaj la viddnoåhpadus jali diedo barggamisgålmmå jage. Åhpadusgäjno li guovtejahkásasj duodjesuorgge Sámij åhpadusguovdátjin jali dan lágásj åhpadus, ja binnemusát jahkásasj praktijkka.

Gähttjalibme la gålmå oassáj. Duodjegähttjalibme mav ietjat divudagán dagá muhtem mánoj sinna. Dan maŋŋela gähttjalimvahkko Jåhkåmåhken nuppijn duodjegähttjalimijn. Maŋemus gähttjalibme l teorehtalasj. Jus dåhkkiduvá de besa giesen duojijt vuosedit Sáme Duojen. Udnásj rádjáj älla gähttjalime biejadum.

Sámij åhpadusguovdásj ávvudallá gå dal gesälla- ja tjähppudakduodastus duojen gávnnu. Maŋŋáj tjadádum duodjeåhpadusá ja jahkásasj praktijka máhtá gesälla- ja tjähppudakduodastusáv åhtsåt!

Jus li gatjálvisá de ságasta Sáme Duojijn jali Sámij åhpadusguovdátjijn:

Sanna Larsson, duodjekonsulännta, Sámi Duodji, 0971-128 99, 070-394 93 06

Per Stefan Labba, sadj. rektåvrrå, Sámij åhpadusguovdásj

 

Sámegiella gimnásan

29 maj, 2014 / Uncategorized @ls

Sámij åhpadusguovdásj máhttá fállat åhpadusáv sámegiellaj videokonferensa baktu oahppijda Svierigin. Gávnnu värmmádakformulärra man baktu diededa.

 

Giellaj hilá

29 maj, 2014 / Uncategorized @ls

Giellaj hilá

Gávnnu dal oasstet ådåstuhtedum oahppamgirjje  ”Giellaj hilá”.

Rabá sválldasav ”Blankehta ja girje

Sáme Biebbmo ja Máhttudakguovdátjin la ådå bielle

29 maj, 2014 / Uncategorized @ls

Sáme Biebbmo ja Máhttodakguovdátjin (Samisk Mat och Kompetenscentrum) la ådå bielle:

www.mat.samernas.se

 

Giella

Giella

Duodje

Duodje

Boatsojäládus

Boatsojäládus

Projekt

Projekt